Lidhur me krizën politike në vend dhe vendimin e Presidentit Ilir Meta për të shtyrë datën e zgjedhjeve, ka reaguar edhe ish-kryetari i KQZ-së Kristaq Kume.
Ai ka theksuar ndër të tjera se Kolegji Zgjedhor nuk ka tagër për ta shqyrtuar Dekretin e Presidentit:
“Kolegji Zgjedhor është gjykata speciale e cila ka për detyrë të trajtojë çdo ankesë apo padi që bëhet, dhe këtë e theksoj, vetëm nga vendimet që merren nga KQZ dhe vetëm për ato.
Në raport me Dekretin e Presidentit ata nuk kanë tagër për ta shqyrtuar atë, madje atë. Partia Uniteti Kombëtar ka kërkuar tërheqjen e kandidatëve të saj për zgjedhjet lokale, bazuar mbi dekretin e Presidentit për aq kohë sa ky dekret është botuar në Fletoren Zyrtare duke qenë se ata e vlerësojnë të tillë kanë kërkuar të ç’regjistrohen.
KQZ, e cila nuk ka marrë asnjë vendim lidhur me dekretin e presidentit, ndaj nuk ka mundësi asnjë subjekt që të ankohet për dekretin e tij.
KQZ nuk ka marrë vendim vetëm sa ka diskutuar. Pra nuk mund të ankohesh dot për një vendim që nuk ekziston. KQZ kërkesën e këtij subjekti, i cili padit vendimin e KQZ për mos ç’regjistrim, vendimin nëse e pranon apo jo për t’u ç’regjistruar që do të thotë janë dy mundësitë të mos pranohet kjo kërkesë duke i dhënë të drejtë KQZ dhe duke i dhënë një argument më shumë mazhorancës, sikurse mund të hedhë poshtë vendimin e KQZ që moralisht bën të pranueshëm dekretin e presidentit si një akt që është në fuqi.
Vendimi i KQZ nuk është një vendim që mund të sjellë një rrjedhojë direkte vazhdimin ligjor ose ndërprerjen ligjore të procesit zgjedhor. Kjo trupë gjykuese nuk mund të gjykojë dekretin e presidentit e madje as që i është kërkuar”.
