Kryeministri Edi Rama ka komentuar manifestimin e mbajtur nga presidenti Meta sot, në bulevardin “Dëshmorët e Kombit”.
I ftuar në studion e T7 në Kosovë, Rama e cilësoi manifestimin e mbajtur nga kreu i shtetit si një miting. Kreu i qeverisë tha se se është hera e parë në historinë botërore të demokracisë që Presidenti e bën këtë miting edhe më madhështor nga unikaliteti i vet dhe marrëzisë së vet.
Sa i përket deklaratave të Metës se qeveria ka marrë në dorë të gjitha pushtetet, Rama theksoi se qeverisja e tij ka pushtet aq sa i jep e drejta kushtetuese.
“Unë besoj që duhet të jetë rasti i parë dhe i vetëm në historinë e demokracisë në botë që Presidenti i Republikës, aq më tepër në një republikë parlamentare aq më tepër që Presidenti është mbi palët, aq më tepër që Ilir Meta dorëzoi teserën e partisë.
Duhet të diskutojmë mbi faktet pas lidhur me përshtypjen. Unë nuk di që qeverisja jonë të ketë më shumë pushtet se sa i jep e drejta kushtetuese. Pushteti vendor është disporcional. Nuk është rezultat i marrjes së këtij pushteti me forcë. Kundërshtarëve tanë nuk u është cenuar e drejta për të hyrë në zgjedhje. Nëse ne do të thoshim OK nëse ju nuk hyni dhe as ne nuk hyjmë, do të krijonim një precedent ku çdo opozitë do të bllokonte zgjedhjet”, tha ai.
