Një lajm i mirë vjen për 8-vjeçaren, Xhensida nga Gramshi, e cila preku gjithë shqiptarët me historinë e saj të dhimbshme.
Drejtuesi i fondacionit “Fundjavë Ndryshe”, Arbër Hajdari, bën me dije se në pak kohë është mbledhur shuma e duhur për operacionin e Xhesit, e cila vuan nga skolioza.
“Jam gëzuar shumë që sot u realizua shuma për operacionin e vajzës 8 vjeçare që është rritur jetime, të bukurën Xhesi! Tani lutemi për ty Xhes, që operacioni të ecë mbarë, Zoti qoftë me ty. Faleminderit nga zemra të gjithë bamirësve”, shkruan Arbër Hajdari në postimin e tij në Facebook.
https://www.facebook.com/arberhajdariofficial/posts/2669657363297411
Rasti i Xhensidës u bë publik rreth dy javë më parë. Ajo ka lindur me skoliozë, një sëmundje që sjell deformimin e shtyllës kurrizore dhe që me kohën rëndohet duke i vënë jetën në rrezik.
Në një postim të mëparshëm, Hajdari u shpreh se e vetmja shpresë e saj ishte një ndërhyrje kirurgjikale jashtë vendit, e cila kushtonte 17 mijë euro.
https://www.facebook.com/arberhajdariofficial/posts/2656619244601223
Fatmirësisht kjo shumë është mbledhur në kohë rekord falë bamirësve nga mbarë Shqipëria, teksa 8-vjeçarja pritet të niset drejt Turqisë ku edhe do t’i nënshtrohet operacionit.
