“Këmbanë alarmi”, e konsideroi presidenti Meta raportin e “Freedom House”, i cili ka dalë në përfundimin se Shqipëria ka rënie në qeverisje demokratike vitin e fundit. Kreu i Shtetit, Ilir Meta, thekson se duhet një reflektim dhe një përgjigje nga të gjithë aktorët politik.
Pas këtij qëndrimi, Meta ka dalë me një tjetër deklaratë, ku citon se standardet e drejtësisë janë të lidhura ngushtësisht me standardet e demokracisë.
Njoftimi
Standardet e drejtësisë janë të lidhura ngushtësisht me standardet e demokracisë. Ndaj ky shqetësim i veçantë në raportin e “Freedom House” meriton reflektim të thelluar.
? DREJTËSIA NË SHËRBIM TË POLITIKËS
Ligji është një shpatë me dy tehe. Në autokraci, është arma kryesore politike e atyre që janë në pushtet, e përdorur për të heshtur kundërshtimin, për të penguar konkurrencën dhe nëse gjithçka tjetër dështon, për të dërguar kritikët në burg. Megjithatë, në vendet demokratike, ligji i udhëhequr nga gjyqtarë të pavarur shërben pikërisht për qëllimin e kundërt. Është mbrojtja e fundit kundër shtrirjes së ekzekutivit dhe garancia kryesore që ata që janë në pakicën politike mund të vazhdojnë të ushtrojnë të drejtat e tyre, të flasin për problemet e qeverisjes dhe në fund të fundit të fitojnë pushtetin përmes zgjedhjeve.
