Martesa është një event mjaft i rëndësishëm, por ka disa faktorë që kanë ndikuar negativisht duke ulur ndjeshëm numrin e kurorëzimeve.
Sipas një raporti të publikuar nga INSTAT, në vitin 2016 janë regjistruar në zyrat e gjendjes civile rreth 22,6 mijë martesa në të gjithë Shqipërinë.
Kjo shifër është ulur me 9,7 % krahasuar me një vit më parë, dhe me 1,4 % krahasuar me vitin 2012.
Numri i martesave në vendin tonë ka pasur luhatje, duke arritur vlerën më të ulët në vitin 2016 rreth 22,6 mijë martesa.
Sipas INSTAT, norma bruto e martesës, pra, numri i martesave për mijë banorë tregon se në Shqipëri regjistrohen 7,7 martesa për mijë banorë në vitin 2016.
Ndërkohë, stafetën për numrin më të madh të martesave e mban qarku i Lezhës, ku numërohen 9,5 martesa për mijë banorë.
Nga ana tjetër, numri më i ulët i martesave regjistrohet në qarkun e Tiranës me 6,6 martesa për mijë banorë.
