Pasi presidenti Ilir Meta ka shfuqizuar dekretin për zgjedhjet e 30 qershorit, kryeministri Rama e ka nisur ditën me një mesazh të qartë. Ky vendim i Metës, i cili argumentoi se po e bënte një zgjedhje të tillë për të çtensionuar situatën aktuale politike, nuk është pritur mirë nga kryeministri Rama.
Ky i fundit ka ndarë me qytetarët në Facebook një video, ku tregon ngritjen e qendrave shëndetësore verore, ndërsa ka dhënë edhe një mesazh thumbues.
“MIRËMËNGJES
dhe me një nga shumë punët e mira që vazhdojnë, ndërkohë që ekranet, portalet e kanalet janë të mbushura me baltë, ju uroj një të dielë të qetë”.
Kryetari i PD-së, Lulzim Basha, gjatë protestës së 8 kombëtare të opozitës është shprehur se nuk do të ketë marrëveshje sa i takon kërkesës për largimin e kryeministrit Edi Rama. Ai shtoi se opozita nuk kërkon asgjë më shumë se parimet, vlerat, normat e standardet e Evropës demokratike.
