Gjatë një konference të Ramës me gazetarët e cila zgjati rreth dy orë, ka patur jo pak probleme me linjën. Në një çast, Ramës iu ndërpre fjala, pasi transmetimi u shkëput. Në njërin rast filloi transmetimi i një filmi, që zgjati për pak sekonda.
Rama zhvilloi një konferencë të gjatë me mediat, i shoqëruar nga dy ministrat, e Ekonomisë dhe Financave Anila Denaj dhe i Rindërtimit, Arben Ahmetaj. Pas një maratone drejtpërdrejt në ERTV, LIVE u shkëput duke vijuar me transmetimin e një seriali për pak sekonda. Më pas me shpejtësi nga stafi u ndërpre. Bëhet fjalë për serialin “Malcolm in the Middle”, të cilin kanë qënë duke e parë në Kryeministri, para se ai të kalonte në transmetim direkt.
Procedura është e tillë që në momentin që videoja që ke ngarkuar apo je duke e ngarkuar shkëputet, shfaqet e fundit ajo që ke parë.
Kryeministri Rama foli sot për protestat për Klodian Rashën, ku dënoi dhunën, ndërsa tha se protestuesit nuk kanë të drejtë në kërkesën e tyre për largimin e Ardi Veliut nga drejtimi i Policisë së Shtetit.
