Kryeministri Edi Rama përgjatë një konference për mediat theksoi se kushdo që ka pasur mandat qeverisës nuk mund të jetë pjesë e amnistisë fiskale.
Kreu i qeverisë deklaroi se funksionarët janë tërësisht të përjashtuar nga amnistia.
“Funksionarët janë tërësisht të përjashtuar nga amnistia dhe nuk bëhet fjalë për këtë, politikanët nuk diskutohet.
Kushdo që ka pasur një mandat qeverisës nuk mund të jetë pjesë e amnistisë.
Nëse bëhet fjalë për persona që 10 vite më parë kanë punuar në shtet, është temë tjetër, por funksionarë të lartë, deputetë, drejtorë aktualë të institucioneve janë të përjashtuar, askush që është marrë me politikë në Shqipëri që nga dita 1 e pluralizmit nuk do të jetë pjesë e amnistisë, asnjë që ka qenë gjykatës apo prokuror, qoftë edhe një ditë, nga 1990 deri më tani, nuk do jetë pjesë e amnistisë”, u shpreh Rama.
