Kryeministri Edi Rama, i cili ndodhet prej disa ditësh në SHB, ka patur sot një takim me shefin e kompanisë Pfizer, Albert Burla për të siguruar vaksinën anti-covid për Shqipërinë.
Rama tha se prodhimi është ende shumë më i ulët se kërkesa botërore, por se ambicia e tij është që të mos mbetemi mbrapa, dhe brenda dy muajve të parë të vitit të ri të nisim vaksinimin.
Edhe pse duket e pamundur, kreu i qeverisë beson se Shqipëria mund t’ia dalë.
”Takimi pozitiv me bosin e Pfeizer, Albert Burla, në qendrën e kompanisë prodhuese të vaksinës në Nju Jork, përmbylli komunikimet tona të kësaj vizite kërkimore për të siguruar vaksinën për Shqipërinë – një sfidë e jashtëzakonshme në kushtet e një kërkese globale marramendëse.
Prodhimi është ende shumë më i ulët se sa kërkesa botërore! Por ambicia jonë është mos mbetemi mbrapa në radhën e stërgjatë të shteteve që kërkojnë vaksinën! Përveç kanalit të sapohapur për vaksinën Pfeizer do hapim në vijim edhe kanalet për vaksinat Moderna dhe Astrazeneca.
Ambicia jonë është që brenda dy muajve të parë të vitit të ri të nisim vaksinimin! Duket e pamundur po ne do t’ia dalim,pavarësisht vështirësisë së skajshme në këtë situatë për të gjithë, ku sidoqoftë vendet më të vogla e me të ardhura më të ulëta janë dhe më të dizavantazhuarat!’’, shkruan Rama në rrjetin social, Twitter.
Takimi pozitiv me bosin e Pfeizer, Albert Burla, në qendrën e kompanisë prodhuese të vaksinës në Nju Jork, përmbylli komunikimet tona të kësaj vizite kërkimore për të siguruar vaksinën për Shqipërinë – një sfidë e jashtëzakonshme në kushtet e një kërkese globale marramendëse. pic.twitter.com/gBGEuFDb9Z
— Edi Rama (@ediramaal) December 9, 2020
