Nuk kanë fund replikat në distancë ndërmjet kryedemokratit Basha dhe kryeministrit Rama. Pas një sërë akuzash hedhur në drejtim të kryeministrit Rama, ky i fundit ka zgjedhur që ti kundërpërgjigjet me të njëjtën monedhë. Kreu i qeverisë i drejtohet kreut të PD-së se e ka ndjekur fjalën e tij në konferencën me gazetarët, ndërsa ia vë në dukje se shqiptarët nuk janë budallenj.
Kur jemi më pak se një vit nga zgjedhjet parlamentare, Basha tha se një prej synimeve të tij nëse do të vijë në pushtet, është anulimi i kontratave për inceneratorët, të cilët ai i ka cilësuar si afera korruptive. Lidhur me qëndrimin e tij, Rama thotë se e ka gabim, pasi shqiptarët nuk kthehen me të.
“E ke dëgjuar mirë nga unë, se ta kam thënë shpesh, shqiptarët s’janë budallenj, po ajo që s’kupton ti kur e thua këtë është se shqiptarët s’kthehen më tek plehrat o Lul!Sa më shumë do vuash në sytë e tyre duke qarë për plehrat që po pastrohen,aq më shumë do mërzitesh në 25 prill! Po si mund t’u thuash shqiptarëve që mafia po pastron Shqipërinë nga haletë gjigande në mes të qyteteve më të mëdha të vendit e nga helmet që pushtuan ajrin me dekada në Tiranë, Durrës, Elbasan, Fier e gjetkë?! Po pse kështu do bëhesh KM ti o miku im Artist, me plehrat në gojë?! Po ç’është ajo sallë dasmash ku i bëke konferencat o Lulëzim?!Të ndoqa pak sot e u habita, qesharake shumë salla dhe ti si dhëndërr i inatosur që klithje pse po pastrohet Shqipëria nga plehrat! Po si mund të jesh kaq nostalgjik për plehrat që i bëre mal në Tiranë e ndote dynjanë!”, shkruan Rama.
E ke dëgjuar mirë nga unë, se ta kam thënë shpesh, shqiptarët s’janë budallenj, po ajo që s’kupton ti kur e thua këtë është se shqiptarët s’kthehen më tek plehrat o Lul!Sa më shumë do vuash në sytë e tyre duke qarë për plehrat që po pastrohen,aq më shumë do mërzitesh në 25 prill!
— Edi Rama (@ediramaal) October 15, 2020
Nuk ka vonuar edhe kthimi i përgjigjes nga Basha. Ai e konsideron si hajdut, dhe se pas çdo dhimbje dhe vuajtje të shqiptarëve qëndron një vjedhje nga ana e Ramës.
“Dhimbjet e shqiptarëve që ke zhytur në skamje e nuk kanë mundësi as për ilaçe, shëndetësia në kolaps, ekonomia në krizë, zbrazja e vendit nga rinia për ty është dasëm o hajduti i mafias së plehrave. Pas çdo dhimbje dhe vuajtje të shqiptarëve qëndron një vjedhje e jotja”, shkruan Basha.
Dhimbjet e shqiptarëve që ke zhytur në skamje e nuk kanë mundësi as për ilaçe, shëndetësia në kolaps, ekonomia në krizë, zbrazja e vendit nga rinia për ty është dasëm o hajduti i mafias së plehrave. Pas çdo dhimbje dhe vuajtje të shqiptarëve qëndron një vjedhje e jotja.
— Lulzim Basha (@lulzimbasha_al) October 15, 2020
