Teksa aeroporti i Rinasit përballej me grabitje të herëpashershme, ministri aktual i Brendshëm Sandër Lleshaj ka mbajtur postin e kryetarit të bordit të Aviacionit Civil. Edhe pse gjeneral aktiv, Lleshaj nuk ka marrë asnjë masë për sigurinë në aeroportin e Rinasit, ndërsa sot kryqëzon konçesionarin për probleme në standardet e sigurisë.
Kryedemokrati Lulzim Basha në fjalën e tij për grabitjen në Rinas e përmendi këtë fakt duke e akuzuar Ramën se ka shkelur ligjin me këtë emërim: Rama ka shkelur kushtetutën duke emëruar Lleshajn si kryetar në drejtimin e këshillit drejtues të Autoritetit të Aviacionit Civili.
Ja dokumenti:
Sipas VKM, të 13 dhjetorit 2017, këshilli drejtues i Autoritetit të Aviacionit Civil mori këtë përbërje:
Sandër Lleshi, kryetar;
Brunilda Lilo, anëtar;
Hajrulla Çeku, anëtar;
Vladimir Avdiaj, anëtar;
Etleva Kondi, anëtar.
V E N D I M PËR EMËRIMIN E KRYETARIT DHE TË ANËTARËVE TË KËSHILLIT DREJTUES TË AUTORITETIT TË AVIACIONIT CIVIL
Në mbështetje të nenit 100 të Kushtetutës dhe të pikës 3, të nenit 5, të ligjit nr.10233, datë 11.2.2010, “Për Autoritetin e Aviacionit Civil”, të ndryshuar, me propozimin e ministrit të Infrastrukturës dhe Energjisë, Këshilli i Ministrave V E N D O S I:
Emërimin në detyrën e kryetarit dhe të anëtarëve të këshillit drejtues të Autoritetit të Aviacionit Civil, si më poshtë vijon:
– Z. Sandër Lleshi, kryetar; – Znj. Brunilda Lilo, anëtar; – Z. Hajrulla Çeku, anëtar; – Z. Vladimir Avdiaj, anëtar; – Znj. Etleva Kondi, anëtar. Ky vendim hyn në fuqi menjëherë.
K R Y E M I N I S T R I EDI RAMA
