Vendimi i presidentit Ilir Meta për të shfuqizuar dekretin për zhvillimin e zgjedhjeve vendore është pritur në selinë e LSI-së me brohorima dhe thirrje “Rama ik”.
Teksa mbanin në duar flamujt kombëtar dhe jo partiak, qindra të rinj që po qëndronin jashtë selisë së LSI, kanë nisur të brohorasin duke thirrur “Rama ra”, pasi u njoftuan për vendimin e presidentit Meta.
Meta shpjegoi se vendimi i tij do të sjellë çtensionimin e situatës në vend, që rrezikon të përshkallëzohet drejt një konflikti të paparashikueshëm, ndërsa shtoi së është i vetëdijshëm që kushtet aktuale nuk mundësojnë zhvillimin e zgjedhjeve demokratike dhe gjithëpërfshirëse.
