Aktualitet

“Rama përkëdhel ata që kanë para”/ Analisti debat me Maznikun: Situatë tragjike


               Publikuar në : 22:21 - 12/11/19 L M

Nënkryetari i Bashkisë së Tiranës, Arbjan Mazniku është përfshirë në një debat me analistin Agron Gjekmarkaj, dhe shkak është bërë aksioni i IKMT-së në zonën e “Astirit”, ku u shembën 33 objekte.

I ftuar në “Real Story”, Mazniku deklaroi se Tiranës i janë vënë duart në fyt dhe nuk po e lejojnë të zhvillojë siç duhet planin urbanistik.

Sakaq, Gjekmarkaj ka rikujtuar premtimin e kryeministrit Edi Rama dhënë në vitin 2013, teksa deklaronte se “edhe Enver Hoxha nëse ngrihet nga varri nuk mund të prishen banesat”.

Sipas analistit, kjo qeveri nuk bën llogari për jetën e qytetarëve të thjeshtë, por përkëdhel njerëzit që kanë para.

Pjesë nga debati:

Gjekmarkaj: Kjo qeveria ka përkëdhelje ndaj njerëzve që kanë para. Kjo situatë është tragjike.

Mazniku: Këtij qyteti i janë vënë duart në fyt. Kemi 30 vite, që nuk po zbatojmë një projekt që është në 1989  në planin urbanistik. Kemi 30 vjet që nuk bëjmë dy kilometër rrugë. Me ligjet që shteti ka krijuar t’i zbatojë ashtu siç duhet.

Gjekmarkaj: Sot kemi një juntë, kaq! Edi Rama ka bërë deklaratë që nuk prishen në 2013.  Tha se “edhe Enver Hoxha nëse ngrihet nga varri nuk mund të prishen”.

Mazniku: Ata njerëz (banorët e Astirit) kanë ndërtuar pa leje në krah të rrugës. Nuk kanë shtëpi, por kanë biznese dhe në mendjen e tyre kanë  “pulën që bën vezë të florinjta”. Shtëpia është e zgjidhur për të gjithë, ose janë shpronësuar dhe kanë marrë para, ose të marrin bonues qiraje.

Gjekmarkaj: Shqipëria është bërë rrumpallë urbane në 30 vite!

Kthehu
WhatsApp Denonco ne TT