Politikë

Mazniku: Ja pse Tiranës i duhet një Unazë e Re


               Publikuar në : 22:22 - 12/11/19 B H

Nënkryetari i Bashkisë së Tiranës, Arbjan Mazniku, është shprehur se kryeqyteti ka nevojë për një Unazë e cila do jetë moderne dhe funksionale.

I ftuar në emisionin “Real Story” në News24, Mazniku tregoi edhe planin që sipas tij bashkia ka për transformimin e saj.

Ndërkohë, analisti Eduard Zaloshnja tha se Astiri kishte nevojë për më shumë rezistencë, për shkak të numrit të madh të ndërtesave dhe banorëve aty.

Pjesë nga debati:

Arbjan Mazniku: Bashkia ka kërkuar që rruga të jetë brenda standardeve bashkëkohore. Tirana ka nevojë unazë të sajën, do të thotë që të ketë lëvizje të vijueshme. Automatikisht rrugët dytësore janë të nevojshme. Në Astir ka 82 mijë banorë, pra pak a shumë sa qyteti i Korçës. Ata njerëz kanë nevojë të lëvizin në një rrugë sekondare. Ish-komuna e Kasharit.

Eduard Zaloshnja: Mendoj se në Astir është beteja më e madhe në këtë zonë, sepse kemi ndërtesa të shumta. Dendësia bën më shumë njerëz. Faktori i dytë është se kjo është zonë që ka shumë vite që është zhvilluar. Edhe prona kushton më shumë e kjo bën që protestuesit të jenë më të mëdha. Në Pogradec kishte pak njerëz, kishte shkëputje. Edhe në Shkozë kështu ishte.

Arbjan Mazniku: Aty ka dy kategori njerëzish. Ka një kategori njerëzish që thjesht kanë banesa dhe ka nga ata që kanë banesa që nuk legalizohen dot. Këta të dytët janë të pakënaqur me vlerësimin. Mekanizmi me të cilin bëhet vlerësimi është procedurë standarde. Nëse nuk të pëlqen vlerësimi, e çon në gjyq. Nuk zgjidhet duke gjuajtur me gur policinë.

Kthehu
WhatsApp Denonco ne TT