Për kryeministrin Edi Rama, opozita dhe Predsidenti, janë orkestruesit e dhunës që po poshtëron kujtimin e 25-vjeçarit të vrarë, Klodian Rasha.
Sipas tij, ata janë të dëshpëruar sepse nuk kanë asnjë shans të rikthehen në pushtet me zgjedhje.
Rama u bën thirrje prindërve të minorenëve që sipas tij janë abuzuar nga LSI, pasi loja e forcës me ligjin e me shtetin mbaron prapa hekurave.
”Opozita dhe Presidenti janë jo vetëm nxitësit,po edhe orkestruesit e dhunës që poshtëron kujtimin e Klodianit, gjoja për drejtësi por në fakt vetëm për hesapet politike të LulitSaliutIIliritMonikës! Janë të dëshpëruar se s’kanë asnjë shans të rikthehen në pushtet me zgjedhje!
Dhe ndërkohë që polici fajtor del para gjykatës,ministri i brendshëm jep dorëheqjen(edhe pse aspak fajtor, po qytetar fisnik që njeh ndjesën),Saliu krenohet si ka vrarë e si do vriste akoma, Iliri akuzon policinë, Monika shpërndan gurët, Luli ha përshesh e pret të bëhet dhëndërr!
Thirrja ime për prindërit e minorenëve të abuzuar nga LSI është ruajini fëmijët nga kthetrat e të paudhëve pa atdhe, ndërsa për këdo tjetër që merr rrugët për të thyer e për të djegur, duhet të jetë shumë e qartë që loja e forcës me ligjin e me shtetin mbaron prapa hekurave!’’, shkruan Rama në rrjetin social, Twitter.
Opozita dhe Presidenti janë jo vetëm nxitësit,po edhe orkestruesit e dhunës që poshtëron kujtimin e Klodianit, gjoja për drejtësi por në fakt vetëm për hesapet politike të LulitSaliutIIliritMonikës! Janë të dëshpëruar se s’kanë asnjë shans të rikthehen në pushtet me zgjedhje!
— Edi Rama (@ediramaal) December 11, 2020
