Pas lajmeve të shpeshta që jepen në media, se qytetarët janë të pabindur për të zbatuar rregullat e shtetit për distancim social, atëherë Rama ka vendosur që të shtrëngojë edhe më shumë masat.
Gjatë fashës së orarit, është parë se qytetarët janë dyndur nëpër tregje. Pas masave drastike, ka nga ata qytetarë të cilët nuk pyesin për COVID-19. Për rrjedhojë e pësojnë shumë qytetarë të tjerë, të cilët bëhen viktima të këtyre rasteve sporadike.
Por Rama nuk e ka lënë me kaq. Ai ka njoftuar se përgjigjja e shtetit do të jetë reciproke ndaj të gjithë të pabindurve.
Ushtria dhe Policitë Bashkiake do të krijojnë kordonët sanitarë të tregjeve. Për rrjedhojë, policia do të ndëshkojë shkelësit me masa të reja ndëshkimore.
Kryeministri njofton ndër të tjera se masat e reja ndëshkimore do të jenë ligj ditën e hënë, e madje do të shkohet deri në heqje lirie.
Duke bërë një bilanc të situatës në të cilën ndodhen qytetet, Rama shprehet se Tirana është vatra më e rrezikshme e luftës. Po kështu Shkodra është shndërruar në një ‘bombë me sahat’. Fieri është një rrezik i madh potencial.
Statusi
🔴 NËSE KY ËSHTË NIVELI I KUPTIMIT TË DETYRËS NJERËZORE, QYTETARE E ATDHETARE, NË FRONTIN E KËSAJ LUFTE PËR JETË A VDEKJE DHE MEQË MESA DUKET ECURINË POZITIVE TË LUFTËS DERI TANI, SHUMËKUSH PO E KUPTON GABIMISHT SI ARSYE PËR T’U LËSHUAR ME IDENË SE S’NA GJEN GJË, ATËHERË PËRGJIGJA E SHTETIT DO TË JETË RECIPROKE PËR KËDO QË NUK DO TË HYJË NË RRESHT PËR TË MBAJTUR RADHË!
🔴 USHTRIA DHE POLICITË BASHKIAKE DO TË KRIJOJNË URGJENTISHT KORDONËT SANITARË TË TREGJEVE. POLICIA E SHTETIT DO TË GODASË SHKELËSIT ME MASA TË REJA NDËSHKIMORE!
🔴 MASAT E REJA NDËSHKIMORE DO TË JENË LIGJ DITËN E HËNË DHE PËR KOKËSHKRETËT DO TË SHKOHET DERI NË HEQJE LIRIE! NËSE DO TË LEHTËSOJMË ME PIKATORE POPULLIN E PËRGJEGJSHËM, KOKËSHKRETËVE DO T’UA BËJMË FERR KËTË VIJË TË SHTREMBËR SJELLJEJE QË NA FUT NË ZJARRIN E FERRIT TË GJITHËVE!
*Tirana është vatra më e rrezikshme e luftës. Durrësi njësoj si Tirana mund të kthehet në Vaterlonë tonë. Shkodra është tanimë një bombë me sahat. Fieri është një rrezik i madh potencial. Kudo mund të na iki avantazhi që kemi krijuar, nëqoftëse do ta bëjmë si Kombëtarja Kuqezi që pjesën e parë duket sikur do fitojë, pastaj… Harrojeni, këtë luftë nuk kemi për ta humbur për ata që s’kanë mendje dhe këllqe të luftojnë si mbarë populli shqiptar.
