Kryeministri Edi Rama, zhvilloi një takim me operatorët turistikë në Durrës, për të diskutuar në lidhje me sezonin e ri të turizmit.
Gjatë fjalës së tij, Rama u shpreh se kufiri me Kosovën do të jetë i hapur, si dhe operatorët turistikë do të kenë sa më pak shtrëngesa.
Ndër të tjera, Rama tha se me vaksinat e reja të siguruar dhe me objektivin për të vaksinuar gjysmë milion shqiptarë deri në qershor, ky do të jetë një sezon më i lehtësuar.
Edi Rama: ”Sot realisht mund të buzëqeshni sepse me sasinë e vaksinave që kemi siguruar do të mund të nisim vaksinimin masiv. Kështu vëmë një bazë të arsyeshme për të pasur një sezon më të lehtë. Kemi mësuar nga sezoni i shkuar që ishte një sezon sfidues për shkak të pandemisë. Edhe këtë vit do të sigurojmë që kufiri ynë me Kosovën të jetë absoluisht i hapur.
Në radhë të dytë do të bëjmë gjithçka që na takon nga ana jonë që në aspektin e kornizës së akivitetit turistik, që të gjithë ju dhe të gjithë kolegët tuaj të kenë sa më pak shtrëngesa. Duke pasur mundësinë që të kemi vaksinim intensive, do të zhvillojmë më këmbëngulje që Brenda muajit qershor ose deri në fund të muajit maj, të kemi vaksinuar gjysmë milionë qytetarë. Vaksinimi është që të këpusim sa më shumë hallka infeksioni. Do të bëjmë ç’është e mundur që të dalim nga ky tunel që nuk po shohim dritë.”
