Deputeti i opozitës Halit Valteri, propozoi sot në Kuvend rikthimin e dënimit me vdekje për përdhunuesit. Ai iu referua rastit të abuzimit të një 15-vjeçareje në Babrru. Në kundërpërgjigje të tij, kryeministri Rama tha se ndryshimi nis që në Parlament, ku nuk duhet të përdoren fjalë fyese, pasoi bëhem shembull i keq për fëmijët.
“Miku im. Dënimin me vdekje nuk e the vetëm ti, iu referova atyre që shkruajnë në Facebook. Të kam dëgjuar kur flet këtu, thua ‘vazhdoni vidhni, bëni këtë punë’. Çfarë mendon dikush kur të dëgjon ty se je më i miri nga poshtë në kategorinë e këtyre. Ça do mendojnë fëmijët kur dëgjojnë këto fjalë. Këtu fillon, që tek shembulli në komunikim. Unë nuk mendoj se nëse dikush këtu më thotë mua gomar, nuk po bën krim. Ky është opinion, që mund të merret si fyerje. Nuk është ok, por nuk ka problem. Edhe nëse Sali Berishës do t’i thoja ti je vrasës, ti je hajdut, nuk do të më vinte mirë për vetën time”, tha Rama.
Por teksa iu referua deputetëve të cilët flasin në emër të vajzës, shtoi se kjo është e dënueshme. Me tone të larta, ai tha se vajzën e kanë ridhunuar, dhe se kanë kaluar çdo cak. Por në fakt, teksa përballesh me deklaratat e Ramës, ai bie ndesh me qëndrimet dhe veprat që ka bërë në lidhje me këto abuzime.
Në shkurt të vitit 2019, në Kavajë ndodhi një rast tjetër i rëndë përdhunimi. Një 13-vjeçare ishte abuzuar nga shokët e saj, në ambientet e shkollës. Pasi zbulimit, adoleshentët u arrestuan dhe vuajtën dënimin, ndërsa vajza po vuan ende traumat. Media nuk i publikoi emrin vajzës, kjo për të ruajtur privatësinë. Por për fat të keq, qeveria arriti me mjaft mjeshtëri që të përdorte familjarët, madje ti nxirrte me zë e figurë.
Ministrja e Shtetit për Marrëdhenien me Parlamentin, Elisa Spiropali, në kulmin e debatit për ngjarjen e Kavajës, mori me vete kamerat e ERTV dhe shkoi në shtëpinë e viktimës. Në atë periudhë, ajo iu gjend pranë familjarëve të vajzës së abuzuar. Elisa Spiropali përveç gafës së rëndë me publikimin e fytyrave të familjarëve të viktimës, tha “se këto gjëra ndodhin në të gjithë botën, bëhen dhe filma”.
Ministrja Elisa Spiropali, në një dalje për shtyp, akuzoi opozitën se po e përdorte politikisht përdhunimin e 13-vjeçares në Kavajë, duke pohuar se ngjarje të tilla ndodhin në gjithë botën e madje janë bërë edhe filma. Por në asnjë vend, siç tha ajo, një parti nuk ngrihet të akuzojë qeverinë për këto raste.
