E shtunë, 24 Korrik, 2021
24.5 C
Tirana

Rama mbledh Komitetin e Rindërtimit: BE të mos vonojë me procedurat

Kryeministri Rama kërkon nga BE që mos të vonojë me procedurat për dhënien e fondeve të përcaktuar nga Konferenca e Donatorëve, për rindërtimin pas tërmetit të 26 nëntorit. Ai tha se procedurat duhet të respektohen, por ndonjëherë janë kaq të gjata. Kryeministri Rama i mëshoi fort faktit se banorët që kanë humbur shtëpitë, duhet të kenë një çati mbi kokë, dhe të festojnë Vitin e Ri të qetë. Sipas kryeministrit, prioritet do të kenë familjet në fshat që kanë humbur banesat individuale dhe shkollat, më pas do të përqëndrohen në zonat urbane.

“Dështimi është diçka që nuk duhet të bëjë pjesë në fjalorin e rindërtimit. Suksesi duhet të jetë kryefjala. Jam i sigurt që do të bëjmë realitet, duke presupozuar që BE të jetë më i shpejtë se zakonisht në kuptimin e nevojës, për të dhënë rezultate më shpejt.

Sepse është një program ku koha është thelbësore. Njerëzit nuk mund të presin gjatë. Procedurat natyrisht duhet të respektohen, por ndonjëherë janë kaq të gjata, që natyrisht mund të përballohen kur bëhet fjalë për projekte të tjera, por jo kur bëhet fjalë për shtëpitë dhe shkollat.

Pra synimi është që ti kthejmë nën çati ato persona që kanë humbur shtëpitë individuale, dhe që të festojnë Vitin e Ri në shtëpitë e tyre. Duam që fëmijët të shkojnë në shkollë në fillim të vitit shkollor.

E di që është ambicioze, do të bëjmë gjithçka që ta bëjmë realitet, por jo më vonë sesa ky vit. Po kështu të fillojmë hap pas hapi me ato zona më të ndërlikuara me ndërtesa banimi, me shumë apartamente në komunitete urbane”.

Lexo edhe :   Rama i mrekulluar nga Dua Lipa: Të mbretërojë 100 vjet në fronin ku është ulur

“Nuk dua që ju thjesht të siguroheni që paratë e tatimpaguesve tuaj apo e kontribuesve tuaj të shpenzohen në mënyrën e duhur, por dua po kështu përmes këtij komiteti të garantoj që edhe paratë e tatimpaguesve shqiptarë të shpenzohen në mënyrën e duhur. Për këtë arsye do të përgëzojë qeverinë e SHBA, që ka pranuar të marrë parasysh propozimin që unë kam bërë për të ngritur Akademinë e Transparencës. Do të doja të shihja edhe BE të bënte të njëjtën gjë për të shtuar ekspertizë, për të shtuar sy e monitorim procesit të ekzekutimit të shpenzimeve, qysh nga procesi i tenderimit deri tek procesi i mbikëqyrjes dhe marrjes së produktit”.

Lexo edhe :   PD publikon videon: 447 milion euro, gjoba e Ramës për familjet shqiptare
- Reklama -

Më shumë nga kategoria




Të fundit

SHBA do të kërkojë nga Kina t’u përmbahet “rregullave të lojës”

Zëvendës Sekretarja amerikane e Shtetit Wendy Sherman pritet t'i bëjë të qartë Kinës në bisedimet e ardhshme, se Uashingtoni e mirëpret konkurrencën me Pekinin,...

Protesta masive në Australi, qytetarët kundër karantinës

Mijëra qytetarë australianë protestuan këtë të shtunë në disa qytete kryesore të vendit kundër karantinës totale që është vendosur në shumë zona për shkak...

Ligjvënësit amerikanë kërkojnë që Olimpiada më 2022 të mos mbahet në Pekin

Një grup i ligjvënësve amerikanë, i ka bërë thirrje Komitetit Ndërkombëtar Olimpik, që të shtyjë Lojërat Olimpike Dimërore të vitit 2022 dhe të ndërrojë...

Skandali Pegasus: Shtete që përdorën programin përgjues

Aktivistë, gazetarë dhe politikanë në të gjithë botën janë përgjuar përmes telefonit, duke ngritur shqetësimet për mosrespektimin e privatësisë dhe abuzimin me të drejtat...

Merkato/ Nedved zbulon vendimin për të ardhmen e Ronaldos

Zëvendës Presidenti i Juventusit, Pavel Nedved, ka treguar se çfarë do të ndodhë me të ardhmen e Kristiano Ronaldos, në skuadrën bardhezi. Pas fitores së...