Rama mbërrin në Itali/ Pritet nga ministri de Maio dhe kryebashkiaku i Barit

Kryeministri Edi Rama ka mbërritur në Bari të Italisë, ku do të zhvillojë një vizitë dy ditore në vendin fqinj.

Në aeroport, Rama u prit nga ministri i Jashtëm italian, Luigi di Maio dhe kryebashkiaku i Barit, Michele Emiliano.

Kjo vizitë do të jetë në përkujtim të eksodit masiv shqiptar drejt Italisë në 6 mars të vitit 1991. Kryeministri shoqërohet nga Ministri i Shtetit për Rindërtimin Arben Ahmetaj, Ministrja e Shëndetësisë Ogerta Manastirliun, ministrja e arsimit Evis Kushi, dhe deputeti Fate Velaj.

Më 6 mars, disa anije u larguan nga qyteti i Durrësit me 20 mijë shqiptarë në bord, drejt Barit të Italisë, ndërsa një ditë më vonë anijet shqiptare mbërritën në brigjet e Brindisit, Barit, Otrantos dhe Monopolit.