Pas vdekjes së një 73-vjeçareje me koronavirus në Shqipëri, kryeministri Rama ka dalë me urgjencë në një prononcim live nga Facebook-u. Ai ka ripërsëritur thirrjen e vazhdueshme, që qytetarët të zbatojnë në përpikmëri këshillat që kanë dhënë mjekët.
Rama i mëshoi fort faktit se koronavirusi zbrapset vetëm me disiplinë. Duke iu drejtuar qytetarëve të cilët shkelin ‘rregullat’, kush thyen vetë karantinimin do të marrë 5 mijë euro gjobë. Kush vjen nga Italia, duhet të rrijë vetë 2 javë karantimin. Rama ka kërkuar që të gjithë pa përjashtim që të respektojnë këshillat e ekspertëve, dhe se të gjithë së bashku do t’ia dalim, për të kursyer jetë! Po kështu, kryeministri kërkon disiplinë. Ata që s’janë të detyruar për të shkuar në punë, të mos dalin nga shtëpia!
“Nuk po vjen fundi i botës, por vetëm të vetërrethohemi për disa javë me muret e izolimit nga kontaktet e përditshmërisë sonë. Ata që janë kthyer 14 ditët e fundit nga Italia, apo Greqia, ose zona të tjera të prekura të vetëizolohen në shtëpimë e tyre.
Nga sot do dalë në rrugë një formacion i përbashkët i Policisë së Shtetit e asaj ushtarake që do të organizojnë postblloqe për kontrolle të automjeteve dhe do ndalojnë e verifikojnë nëse në automjet ka të ardhur nga Italia apo Greqia në 14 ditët e fundit, që ndalohen të dalin nga shtëpia për 14 ditë.
Nga nesër kush prej tyre do kapet do dënohet me 5 mijë euro gjobë. E do ndalohet të largohet nesër në Itali, nëse s’do ketë paguar gjobën”.
