Pas asaj që arriti në Konferencën e Donatorëve në Bruksel, kryeministri Rama është rikthyer në Tiranë. Ai njofton qytetarët me anë të një njoftimi në Facebook se mbrëmjen e sotme, do të jetë i ftuar në emisionin ‘Real Story’, ku do të flasë për solidaritetin e Brukselit për Shqipërinë dhe rindërtimin pas tërmetit.
“SONTE NË REAL STORY me Sokol Ballën dhe të ftuarit e tij PËR TËRMETIN E SOLIDARITETIT NË BRUKSEL dhe SHQIPËRINË QË DO TË DALË NGA RINDËRTIMI.
(ERTV Live natyrisht)
1.15 miliardë euro ishte shuma që u arrit të mblidhej nga Konferenca e Donatorëve e zhvilluar në Bruksel, nën kujdesin e Presidentit së Komisionit Europian e që zgjati afro 4 orë. Ndërkohë që kostot e përllogaritura shkojnë në 1 miliardë e 60 milionë euro.
