Kryeministri Edi Rama ka sqaruar se transporti urban për zonën e Tiranës dhe Durrësit do të jetë i disponueshëm deri sot në mesditë.
Përmes një postimi në Facebook, Rama thekson se pas mesditës nuk do ketë më transport urban në dy qytetet kryesore.
Kreu i qeverisë thotë se ndërkohë po përgatitet transporti i dedikuar për mjekët dhe infermierët.
“Nga sot në mesditë nuk ka transport urban në Tiranë dhe Durrës. Po bëjmë gati transportin e dedikuar për mjekët dhe infermierët”, shkruan ai.
Rama njoftoi pezullimin e transportit publik që mbrëmjen e djeshme. Por sot në mëngjes transporti publik ishte akoma i disponueshëm duke vënë në pikëpyetje nëse ky urdhër do zbatohej ose jo.
Pezullimi i shërbimit të transportit publik është marrë si një masë parandaluese për përhapjen e koronavirusit.
Deri më tani raportohet për 15 të infektuar në vendin tonë
