Rama jep lajmin e madh, ja çfarë do ndodhë nga 1 janari

Kryeministri Edi Rama ka njoftuar me anë të një postimi në Facebook, se nga data 1 janar 2020 do të ofrohen 472 shërbime me aplikime online përmes smartfonit apo kompjuterit.

Që në krye të herës, Rama vë në dukje se të gjithë qytetarëve nuk do t’u kërkohen më dosje me dokumente shtetërorë.

Sipas tij, ky revolucion do të zhdukë të gjitha radhët për këto aplikime. Do shkurtojë kohën e humbur për të marrë një shërbim, e mbi të gjitha do të eliminojë masivisht ryshfetin, një fenomen që ndodh rëndom në vend.

Statusi

NGA 1 JANARI NIS REVOLUCIONI DIGJITAL NE SHERBIMET PER QYTETARET me 472 shërbime që deri sot kërkohen në radhë nëpër sportele, do të kërkohen me aplikime online përmes smartfonit apo kompjuterit.

  • Qytetarëve nuk do t’u kërkohen më dosje me dokumenta shtetëtorë, po vetëm dokumenta që janë individualë dhe të gjithë dokumentat shtetërorë të nevojshëm për dosjen do të sigurohen nga vetë administrata
  • Qytetarët do të mund ta ndjekin online ecurinë e aplikimit të tyre dhe do të paraqiten në sportel për të marrë shërbimin në afatin e përcaktuar ligjor.
  • Ky revolucion do të zhdukë të gjitha radhët për këto aplikime; shkurtojë kohën e humbur për të marrë një shërbim; eliminojë masivisht ryshfetin.
  • Në qershor do të hyjë online blloku i dytë i shërbimeve dhe deri në fund të vitit 2020 të gjitha shërbimet (me pak përjashtime të paevitueshme dot për shkak të nevojës së paraqitjes së personit për një aplikim) do të bëhen online në https://e-albania.al