Kryeministri Edi Rama është shprehur i gatshëm që të bashkëpunojë pas 25 prillit me kryedemokratin Lulzim Basha.
Në një intervistë për ”Report Tv”, Rama u shpreh se kushti i vetëm për bashkëpunim, është që Basha të shkëputet nga Presidenti Ilir Meta dhe ish-kryeministri Sali Berisha.
I pyetur për Metën dhe Berishën, Rama tha se ata janë e keqja e vendit dhe rrezik për demokracinë, dhe jo Basha, i cili është vetëm një kukull sipas tij
Edi Rama: “Pas 25 prillit jam i gatshëm të bashkëpunoj me opozitën, dhe me Bashën, por me një kusht të thjesht që të ndahet nga Meta dhe Berisha. Për të transformuar një jetë politike që është realisht që është kthyer në stres për shqiptarët. Bashkëpunim ngushtësisht si në vendet që ne duam të arrijmë dhe atyre që ne duam t’i ngjajmë, nuk flas për gjëra konkrete, se ne do kemi shumicën, por sidoqoftë në emër të shumicës unë jam shumë i gatshëm të shkoj përtej politikës së këtyre viteve dhe të angazhohem që politika e ardhshme të jetë 100% të mirëqenies shqiptare, jo te konfliktet dhe idiotësisë”.
