Kryeministri Edi Rama i ka shtrirë dorën e bashkëpunimit opozitës, e ndërsa i ka bërë thirrje që të reflektojë, për të kaluar këtë ngërç. Kreu i qeverisë thotë në një një intervistë për Al Jazeera, se bojkoti ishte vetëvrasje për opozitën, por e ardhmja, sipas tij, duhet parë me optimizëm dhe në funksion të paqes sociale. Ai ka deklaruar se politika duhet të bëjë punën e saj, por ‘tangoja vallëzohet dyshe’.
“Politika duhet të bëjë punën e saj, për të bashkuar vendin. Por sigurisht, tangoja vallëzohet dyshe. Shpresoj që miqtë tanë në opozitë të reflektojnë për këtë, dhe të kuptojnë që ajo çfarë bënë ishte një katastrofë për vetë ata”.
Pas mbylljes së kutive të votimit, kryeministri ftoi opozitën për dialog pa kushte, si shprehje të vullnetit për t’u angazhuar për çeljen e negociatave të anëtarësimit në Bashkimin Evropian.
