Analisti Fatos Lubonja ka komentuar përgjimet e publikuara ditën e sotme nga gazeta gjermane “Bild”, për shit-blerjen e votave nga PS-ja në zgjedhjet e vitit 2017.
I ftuar në “News24”, Lubonja theksoi se përgjimet tregojnë se sistemi i drejtësisë është kapur dhe vota e shqiptarëve është blerë në mënyrë masive.
Sipas Lubonjës, palët politike nuk kanë ndërmend të ulen për dialog, ndërsa deklaroi më tej se “Rama e ka futur në Presidencë Metën, që të rrinte urtë”.
Ndër të tjera, analisti u shpreh se nëse këto përgjime do të merreshin seriozisht, kryeministri do të jepte dorëheqjen. Mirëpo, ai shton se populli shqiptar nuk është i pjekur.
“Pashë një deklaratë të Ramës. Është kapur me presh në dorë. Këto janë bomba. Këta nuk kanë ndërmend të bëjnë dialog. Kjo është kalimi në mjete të tjera politike, ku do na çojnë në luftë apo në diktaturë. Padyshim e lexova. Këtu nuk ka pikë dyshimi më, që në prokurori e kapur. Tani është e kapur plotësisht dhe po vepron si segment i partisë-shtet. Drejtësia më e keqe është drejtësia selektive. Çfarë duhet të bëjë Lulzim Basha
Mendoj që në vazhdën e asaj që thashë më parë: Ky është një rezultat logjik. Rama e ka futur në Presidencë, që Meta të rrinte urtë. Më mirë ta heqë. Të zhvishet gjithçka dhe të marrë të gjithë përgjegjësitë. Por edhe të rri aty dhe të bëjë fasadën”, deklaroi Lubonja.
