Ish-deputeti i PD, Ervin Salianji, i ftuar në “360 Gradë”, ka akuzuar kryeministrin Rama se i ka dhënë naftën e Shqipërisë kompanisë ruse.
Sipas tij, përpjekja ruse është për të influencuar në administratën publike dhe për rrjedhojë ata nuk kanë interes tek opozita.
“Në lidhje me ndikimin rus nuk kemi pse i biem rrotull të themi ka apo nuk ka kur vet kryeministri i bën presion BE-së. Rama tha që përpjekja për influencën ruse është e dukshme në Shqipëri apo tentativa për të influencuar e Rusisë është përherë e pranishme. Rama sa herë që i duhet nëpërmjet rusëve dhe miqve të tij pro rusë apo afër Rusisë. Përpjekja ruse është për të influencuar në administratën publike dhe jo në politikë dhe pa dyshim, ata nuk kanë interes tek opozita. Ne kemi kërkuar komision hetimor për ata që kanë punuar pa certifikatë sigurie siç është rasti i ministrit të Jashtëm, Cakaj. Edi Rama i ka dhënë naftën e Shqipërisë kompanisë ruse”, deklaroi Salianji.
Kujtojmë se të njëjtën akuzë e ka ngritur një javë më parë edhe kryetari i PD-së Lulzim Basha në emisionin “Zonë e Lirë”.
