Në mbledhjen e gjashtë të përbashkët, Rama tha mjaft i vendosur se Kosova është marrë peng nga dinamika të caktuara të vendeve të BE-së. Ai e cilësoi një ‘turp’ për BE-në mosliberalizimin e vizave.
Sipas tij, kjo është e pajustifikueshme për sa kohë mosliberalizimi i merituar mbetet në fuqi. Kjo sepse Kosova është marrë peng i dinamikave të brendshme të vendeve të caktuara të BE-së.
“Dialogu mbetet i vetmi instrument për të fituar çështjen e shtruar për zgjidhje, çdo bishtnim nga dialogu krijon fitore iluzore vetëm në rrjetet sociale dhe mexhelisin mediatik por e largon fitoren reale dhe e dobëson pozicionin e Kosovës, qoftë së brendshmi, qoftë së jashtmi në raport me botën.
Sot jemi në kushtet kur mund t’i shohim para syve qoftë pasojat e ndërrmarjeve të rrugëve pa rrugë, qoftë rezultateve për një rrugë me perspektivë.
Në pak kohë u restaurua një krisje shumë e madhe që pati pasoja jo të vogla për Kosovën, dhe u arrit të hidhej një hap që do flasë gjithmonë e më mirë në Washington.
Nuk di çfarë duhet të besoj për liberalizimin e vizave për Kosovën, ky është një turp për BE, një turp i pashlyshëm dhe i pajustifikueshëm përsa kohë mosliberalizimi i merituar, mbetet në fuqi, jo sepse Kosova s’ka bërë detyrat por për arsyet se Kosova është marrë peng i dinamikave të brendshme të vendeve të caktuara të BE. Dhe Kosova duhet të presë si mbarojnë një palë zgjedhje në një vend dhe pastaj kur ka zgjedhje. Kam folur pa pushim për këtë temë me të gjithë ata që kam takuar në Europë dhe akoma sot nuk arrij të kuptoj asgjë nga ato që thonë. Por kuptoj atë që s’thonë: që Kosova paguan me mosliberalizim të vizave, Shqipëria dhe Maqedonia e Veriut e paguajnë me sajesa pas sajesash sipas konfiguracionit elektoral nga një vend në një vend tjetër dhe rajoni e paguan në tërësi”, u shpreh Rama.
