Më herët ditën e sotme, kryeministri Edi Rama, postoi qëndrimin e një tjetër aktoreje që sipas tij është për një Teatër të ri Kombëtar.
Përmes një statusi në Facebook, Rama publikoi një mesazh sipas tij të Ilire Vincas, aktore dhe regjisore e njohur, e cila shprehej se do ishte një mrekulli sikur të ndërtohej një godinë e re e teatrit.
Por vetëm pak minuta nga postimi i kryeministrit, ka ardhur edhe reagimi i aktores, e cila ka komentuar se mendimin nuk e kishte dhënë për Teatrin Kombëtar.
“I nderuar Kryeministër Rama, më vjen shumë keq, por me duhet ‘ju informoj që këtë mendim, nuk e kam dhënë për Teatrin Kombëtar. Është hera e dytë qe po ndodh ky keqkuptim, ndaj më duhet të sqarohem. Ju falemnderit”, shkruan aktorja.
