Kryeministri Edi Rama e ka thënë mjaft qartë sot në emisionin “Open”, se nuk do ta japë dorëheqjen, një nga kushtet themelore të opozitës së bashkuar për t’i hapur rrugë negociatave.
“Këtë nuk e mendoj dot për një arsye shumë të thjeshtë, se kam një detyrë që ma ka ngarkuar shumica e shqiptarëve, dhe ata nuk i tradhëtoj. Unë mund të bëj gabime, se nuk jam i pagabueshëm, por nuk bëj gabime me qëllim.
Përsa i përket kësaj që dalin në rrugë, aty është një popull imagjinar, me punonjës bashkish, kanalizimesh…”, tha Rama.
