Kryeministri Edi Rama tha sot se Shqipëria përveç dronëve, do të çojë dhe satelitë në orbitë të quajtura ‘Albania 1 dhe 2’. Satelitët janë për të kontrolluar territorin, kufijtë dhe i gjithë kontrolli të kalojë në nivelin e teknologjisë dhe të hiqet nga duart e atyre që kontrollojnë me sy. Ndonëse në Kuvend pati të qeshura nga radhët e opozitës, Rama tha se një gjë e tillë do të bëhet realitet shumë shpejt.
“Shqipëria sot nuk është në atë gjendjen që ishte para se ju të largoheshit, kur nuk iu financonte njeri dhe u detyruat të bënit akrobacira, si ajo që bëtë me Bankën e Shqipërisë, për të shitur Hotel Dajtin.
The do të blemë drona? Jo, do të blemë drona dhe do të çojmë satelitë në orbitë. Këtë do e bëjmë vitin tjetër, Albania 1, Albania 2, sepse për ne ky vend nuk është tokë e nxanun.
Na keni lënë një situatë që do kohë dhe durim për të pastruar, por ne shohim shumë lart. Jo drona por edhe satelitë. Në mënyrë që kontrolli mbi territorin, trafiqet të kalojë në nivelin e teknologjisë dhe të hiqet nga duart e atyre që kontrollojnë me sy.
Prandaj sytë për të kontrolluar do i çojmë në qiell. Qeshni se e keni program partie. Qeshni se nuk qani dot”, tha Rama.
Kryedemokrati Basha ia ka kthyer me ironi: “Ti lideri global i satelitëve, ku njerëzit nuk paguajnë dot dy patate dhe qepë. Kjo është statuskuoja që ju doni të flisni për satelitë kur njerëzit vuajnë”.
