Kryeministri Edi Rama është përfshirë sot në debat me deputetin Adriatik Alimadhi.
Këtij të fundit, kreu i qeverisë iu drejtua me fjalët fyese: “Je bisht lopate”.
“Sa për komunistin unë nuk kam asnjë lidhje emocionale ose intelektuale me komunizmin. Im atë po, ka qenë si shumë të tjerë dhe kanë qenë në anën e duhur të historisë kur ju..të thuash ty, “ju” është fyerje për Mit’hat Frashërin, ti je një mbetje e lodhur në një gropë të historisë.
Unë s’kam asnjë problem me komunistë e si ballistë si persona dhe ju këtë e mësuat nga Enver Hoxha se ju bëri më të zinj se veten.
Ju mësoi të merreni jo me mesazhin, por me mesazherin. Ju të kishit gjë në dorë do ishit bërë më të zinj se Enver Hoxha. Ndarja këtu është. Socialistët janë anti-fashistë dhe anti-komunistë, nuk merren me personat, por me ideologjitë. Ju jeni kopje e zezë, Saliu i pari dhe ata që janë jashtë, jeni e zeza ku e ktheni politikën në instrument për të sharë njerëz, kur politika është përballje idesh.
Ti je thjeshtë një lopatë, bishti i një lopate që quhet balli numër dy dhe pretendon të vish prapë në parlament, ti (Alimadhit)”, tha Rama në Kuvend.
