Kreu i qeverisë Edi Rama, ka mbledhur paraditen e sotme në selinë rozë deputetët e rinj të PS-së që do futen në Kuvend të premten.
Mësohet se mbledhja po vazhdon prej më shumë se një orë, dhe përflitet se në qendër të diskutimeve është legjislatura e re dhe prioritetet e mazhorancës për këtë sesion.
Nuk dihen ende detaje nga ky takim që po zhvillohet një javë pasi kryesocialisti bëri rokadë në ekipin e tij.
Damian Gjiknuri do të jetë Sekretari i Përgjithshëm i Partisë Socialiste në katër vitet e ardhshme, duke zëvendësuar Taulant Ballën. Ky i fundit do të mbajë vetëm detyrën organizative të kreut të Grupit Parlamentar.
