Pas një seance maratonë që ka zgjatur 20 orë, qeveria e re e dalë nga zgjedhjet e 25 prillit është votuar në Kuvend. Kryeministri Edi Rama së bashku me ministrat e tij dhe programin qeverisës, kanë marrë votëbesimin me 77 vota pro, 53 kundër dhe 1 abstenim.
“Projektvendim për miratimin e programit politik dhe përbërjes së Këshillit të Ministrave. Votimi: Kanë votuar pro 77 deputetë, kanë votuar kundër 53 deputetë, abstenuar 1 deputet. Projektvendimi miratohet. Kuvendi i jep besimin qeverisë “Rama 3”. Suksese”, tha kryetarja e Kuvendit, Lindita Nikolla.
Një ditë pas votimit të qeverisë së re, ambasadorja amerikane në Tiranë, Yuri Kim, ka zbarkuar në Kryesinë e Kuvendit për të zhvilluar një takim me kryeparlamentaren, Lindita Nikolla.
Ky takim vjen në vazhdën e disa takime radhazi që ambasadorja Kim ka bërë gjatë ditëve të fundit, duke u fokusuar tek ato me magjistratë të organeve të reja në drejtësi, të cilëve u ka kërkuar që të luftojnë krimin dhe korrupsionin.
