Deputeti Ralf Gjoni u betua dje në Kuvend, duke pranuar mandatin e deputetit. Në një prononcim për mediat, ai u shpreh se nuk e pranoi mandatin për një “rrogë të qelbur”, por për të përfaqësuar votuesit e tij.
Më tej Gjoni shton se djegia e mandateve nga opozita, nuk ishte rruga e duhur. Por kjo deklaratë bie në kundërshtim me atë çfarë ai ka thënë më herët. Është emisioni investigativ “Boom”, ku ka publikuar një deklaratë të Gjonit në janar të 2019-ës, teksa shprehej se në rast se do ishte deputet, do ta digjte mandatin e tij.
Sulmi me bojë ndaj tij e ka irrituar së tepërmi Ralf Gjonin me partinë e tij LSI-në, duke nënkuptuar se është ajo që qëndron pas këtij akti.
Në një dalje për mediat pas mbylljes së seancës plenare, Gjoni i cili bëri betimin në Kuvend si deputet, tha se nuk e kishte menduar kurrë që partia e tij do të shndërrohej në një parti desintegruese.
