Ambasada e SHBA-së në Tiranë ka ndarë me qytetarët një nismë të Këndit Amerikan në Vlorë, ku i fton të gjithë të marrin pjesë dhe të ndajnë një mesazh pozitiv për miqtë, familjarët që ndodhen pranë apo larg. Në njoftimin e shpërndarë në Facebook, Ambasada vë në dukje se zbatimi i largësisë sociale, nuk do të thotë se nuk mund të jemi pranë njëri-tjetrit.
“Zbatimi i largësisë sociale nuk do të thotë se nuk mund të jemi pranë njëri-tjetrit. Largësitë shkurtohen kur jemi pranë njerëzve të tjerë me mendimet tona. Prandaj sot, donim të ndanim me ju këtë nismë të bukur të Këndit tonë Amerikan në Vlorë. Këndi fton të gjithë të marrin pjesë dhe të ndajnë një mesazh pozitiv për miqtë, familjarët që ndodhen pranë apo larg, komunitetet ku jetojmë dhe të gjithë botën. Ndani kartolinën tuaj me ne në hapësirën e komenteve mëposhtë”.
Shpesh është vënë re se në dy oraret e vendosura nga qeveria për të lëvizur, të cilat përkojnë me oraret kur shkojnë dhe kthehen nga puna, shumë qytetarë i kanë shfrytëzuar si orë pushimi apo xhiroje.
Në këto dy orare, sheshet, bulevardet janë plot, me qytetarë që lëvizin pa maska, pa doreza dhe mbi të gjitha grupe-grupe. Kjo kthehet në rrezik për përhapjen e koronavirusit.
