Gazi lotsjellës i përdorur nga Policia e Shtetit kundër protestuesve që tentonin me dhunë te futeshin në Kuvend, ka zbrazur brenda pak minutash të gjithë zonën para godinës se këtij institucioni. Sikundër duket qartë nga pamjet në fjalë të siguruara nga “Tirana Today”, një pjesë e mirë e protestuesve kanë shfaqur probleme të theksuara nga gazi lotsjellës. Mes turmës ishte edhe ish-kryeministri Berisha, i cili ka shfaqur probleme me frymëmarrjen.
Gazetarja e “Tirana Today” i ka marrë një prononcim të shkurtër Berishës, i cili ka komentuar përdorimin e gazit nga policia. Ai është shprehur se qeveria Rama ka rënë, dhe se protestuesit janë të përgatitur. Për të, Rama e ka të humbur këtë betejë, pasi nuk mbrohen dot me tym e gaz.
“Kjo është një armë toksike, me një shkallë të caktuar që përdoret pasi dështojnë mjetet e tjera. Por këta e përdorin të parë, por edhe ne do t’iu kthejmë. Edhe demonstruesit janë të përgatitur. E kanë betejë të humbur, nuk mbrohen me tym e me gaz”, deklaroi Berisha.
Si është gjendja juaj shëndetësore?
Berisha: Gjendja ime shëndetësore është e shkëlqyer.
TIRANA TODAY
