E hënë, 21 Qershor, 2021
31.5 C
Tirana

Qeveria kompenson me 10 mln lekë familjet e ushtarakëve të vrarë në Letoni

Qeveria ka marrë vendim që të kompensojë me një fond të përcaktuar familjet e dy ushtarakëve që humbën jetën gjatë një misioni të NATOS-s në Letoni nga shpërthimi i një mine.

Sipas vendimit të Këshillit të Ministrave, familjet e efektivëve të Forcat të Armatosura që ranë në krye të detyrës, Zarife Hasanajt dhe Klodian Tanushit, do të kompensohen me 10 milionë lekë.

VENDIM

PËR

NJË SHTESË FONDI NË BUXHETIN E VITIT 2019, MIRATUAR PËR MINISTRINË E MBROJTJES, PËR KOMPENSIMIN E VEÇANTË TË FAMILJEVE TË USHTARAKËVE TË RËNË NË KRYE TË DETYRËS, GJATË PËRMBUSHJES SË MISIONIT USHTARAK, JASHTË VENDIT

Në mbështetje të nenit 100 të Kushtetutës, të neneve 5 e 45, të ligjit nr.9936, datë 26.6.2008, “Për menaxhimin e sistemit buxhetor në Republikën e Shqipërisë”, të ndryshuar, të pikës 2, të nenit 28, të ligjit nr.9210, datë 23.3.2004, “Për statusin e ushtarakut të Forcave të Armatosura të Republikës së Shqipërisë”, të ndryshuar, dhe të nenit 13, të ligjit nr.99/2018 “Për buxhetin e vitit 2019”, me propozimin e ministrit të Mbrojtjes, Këshilli i Ministrave

VENDOSI:

  1. Ministrisë së Mbrojtjes, në buxhetin e miratuar për vitin 2019, i shtohet fondi prej 10 000 000 (dhjetë milionë) lekësh, për kompensimin e veçantë të familjeve të ushtarakëve nëntetar Zarife Muharrem Hasanaj dhe major Klodian Nikolla Tanushi, të cilët humbën jetën gjatë kryerjes së detyrës, në mision ushtarak, jashtë vendit.
  2. Fondi i përcaktuar në pikën 1, të këtij vendimi, të përballohet nga fondi rezervë i buxhetit të shtetit, për vitin 2019.
  3. Ngarkohen Ministria e Mbrojtjes dhe Ministria e Financave dhe Ekonomisë për zbatimin e këtij vendimi.

Ky vendim hyn në fuqi menjëherë dhe botohet në “Fletoren zyrtare”.

- Reklama -

Më shumë nga kategoria




Të fundit

SHBA/ Studia tropikale “Claudette” me pasoja të llahtarshme në njerëz

ATLANTA (AP) - "Claudette" rifitoi statusin e stuhisë tropikale të hënën në mëngjes ndërsa iu afrua bregdetit të Karolinës më pak se dy ditë...

Kokainë nga Gjermania në Zvicër/’Koka’ e grupit, punonjës në Bashkinë e Tiranës

Drejtësia ka ‘goditur’ një rrjet trafikantësh kokaine që operonin në Gjermani-Zvicër.  Ndriçim Harka, punonjësi i zjarrfikëses së Bashkisë Tiranës është ‘koka’ e grupit që...

Çfarë duhet të nxjerrë analiza e PD-së për Lezhën

Nga Indrit Vokshi Diçka për Lezhën Objektivi i PD në qarkun Lezhë ka qenë 37.000 vota. Janë marrë 33.998 Fitorja e opozitës do ishte t'i hiqte Edi...

Prokuroria me ‘dorë të hekurt’, arrestohen 2 mjekë të QSUT-së dhe disa sekserë

Nga përgjimet për grupin e goditur për "trafik droge", është zbuluar edhe një rrjet i falsifikimit të testeve të COVID-19. Prokuroria e Tiranës ka...

Për operacionin e ndarjes së vëllezërve siamezë Berisha-Basha

Nga Alfred Peza Lulzim Basha ngjan si dy pika uji, me atë personazhin e përrallës së Nastradinit, që i hipi gomarit mbrapsht për të shkuar...