E martë, 23 Shkurt, 2021
11 C
Tirana

Qeveria jep lajmin e mirë për pronarët që preken nga ndërtimi i Rrugës së Arbrit

Të gjithë pronarët që preken nga ndërtimi i “Rrugës së Arbrit” do të kompensohen. Ditën e djeshme,

Këshilli i Ministrave ka miratuar vendimin për shpronësimin. Sipas vendimit do të kompensohen pronarët e pasurive të paluajtshme, pronë private, që preken nga ndërtimi i segmentit rrugor “Rruga e Arbrit”.

Duke u mbështetur në nenin 100 të Kushtetutës dhe të ligjit “Për shpronësimet dhe marrjen në përdorim të përkohshëm të pasurisë, pronë private, për interes publik”, Këshilli i Ministrave vendosi që shpronësimi të bëhet në favor të Autoritetit Rrugor Shqiptar.

Kompensimi do të jetë në vlerë të plotë. Pronarët e pasurive të paluajtshme që shpronësohen, të kompensohen në vlerë të plotë, sipas masës së kompensimit përkatës, që paraqitet në tabelat bashkëlidhur këtij vendimi, për pasuritë e llojit tokë “arë” dhe tokë “truall”, me vlerë 1 768 919 (një milion e shtatëqind e gjashtëdhjetë e tetë mijë e nëntëqind e nëntëmbëdhjetë) lekë, citohet në vendim.

Vlera e përgjithshme e shpronësimit prej 1 768 919 (një milion e shtatëqind e gjashtëdhjetë e tetë mijë e nëntëqind e nëntëmbëdhjetë) lekësh do të përballohet nga buxheti i vitit 2019. Ndërsa, shpenzimet procedurale, në vlerën 50 000 (pesëdhjetë mijë) lekë, të përballohen nga buxheti i miratuar për Ministrinë e Infrastrukturës dhe Energjisë.

Llogaritet që shpronësimet do të bëhen brenda afatit tre muaj pas datës së hyrjes në fuqi të këtij vendimi.

Vendimi urdhëron Agjencinë Shtetërore e Kadastrës që në bashkëpunim me Autoritetin Rrugor Shqiptar, brenda 30 (tridhjetë) ditëve nga data e miratimit të këtij vendimi, të fillojnë procedurat për hedhjen e gjurmës së projektit mbi hartat kadastrale, sipas planimetrisë së shpronësimit, të miratuar, dhe të bëjnë kalimin e pronësisë në favor të shtetit.

Këshilli i Ministrave vendosi që për zbatimin e këtij vendimi të ngarkohen Ministria e Infrastrukturës dhe Energjisë, Ministria e Financave dhe Ekonomisë, Agjencia Shtetërore e Kadastrës dhe Autoriteti Rrugor Shqiptar.

- Reklama -

Më shumë nga kategoria




Të fundit

Basha: Taksa e sheshtë 9%, çlirim për financat e sipërmarrjes shqiptare

Kryetari i Partisë Demokratike, Lulzim Basha shprehet se ulja e taksës nga 15 në 9%, do të çlirojë financat e sipërmarjes shqiptare. ''Ulja e taksës...

Brataj vaksinoi shoferin personal? Urgjenca Kombëtare reagon pas akuzave

Qendra Kombëtare e Urgjencës Mjekësore ka reaguar sot pas lajmit të publikuar në rrjetet sociale për vaksinimin e një shoferi të këtij institucioni. QKUM shprehet...

Detaje të reja për vdekjen e Maradonës, hetuesit përfshijnë dhe dy të dyshuar

Në hetimin për vdekjen e Diego Armando Maradonas janë përfshirë edhe dy të dyshuar të tjerë. Ata janë Nensi Forlini, ekzekutive e kompanisë së...

Vrasja e dyfishtë për drogë në Malësi të Madhe/ Mbyllen hetimet për babë e bir

Pesë muaj nga vrasja e Vilson Çutajt dhe Klemend Pepajt në Malësi të Madhe, Prokuroria e Shkodrës ka mbyllur hetimet duke gjetur vetëm një...

Koronavirusi/ Më shumë të shëruar se të infektuar, por kurba mbetet e lartë

Kurba e koronavirusit vijon të mbetet e lartë, pasi në 24 orët e fundit janë regjistruar 1.021 raste të reja, nga 3.258 testime të...