Kreu i grupit parlamentar të PS-së, Taulant Balla ka zhvilluar një takim me një nga deputetët e Budestagut gjerman, teksa tha se ditët në vijim janë shumë të rëndësishme për të ardhmen e Shqipërisë, pasi pritet që vendit tonë t’i komunikohet hapja e negociatave me BE.
Por situata politike aktualisht është në krizë që prej protestës së kuksianëve për Rrugën e Kombit e cila i shërbeu opozitës për të filluar protestat në mbarë vendin ashtu si u vijua dhe sot në Kuvend. Prikërisht në këto momente Balla u jep lajmin e mirë shqiptarëve se ka marrë siguri që negiciatat me BE-në do të hapen.
Balla tha se mori mbështetjen e deputetit gjerman për çeljen e negociatave në datë 17 prill, dite kur pritet të mbërrijnë në Tiranë shefja për politikë të Jashtme të BE-së, Federica Mogherini dhe eurokomisioneri për zgjerimin Johannes Hahn, të cilët do t’i dorëzojnë qeverisë progres-raportin për procesin e anëtarësimit.
“Pata kënaqësinë që të zhvilloja një takim me deputetin gjerman në Budestag. Javën tjetër Komisioni Europian duket se do t’i sugjerojë vendeve anëtare hapjen e negociatave për Shqipërinë pa asnjë kusht, dhe menjëherë pas kësaj vendet anëtare i kërkojnë parlamentit duke përfshirë edhe Bundestagun gjerman në një seancë ku do të kërkohet vendimmarrja.
Hapja e negociatave nuk duhet të konsiderohet si një fitore e PS apo qeverisë, por një ditë historike. Nëse humbasim trenin këtë vit duhet të presim dhe dy apo tre vite të tjera. Jam shpresë plot se në parlamentin gjerman do të na mbështesin. Kështu që duke u rikthyer në zhvillimet e ditës, është për të ardhur keq se në këto ditë të rëndësishme pamjet që u shfaqen sot në Kuvend nuk i bëjnë mirë këtij procesi,” tha Balla.
