Ish-kryeministri i Kosovës, Albin Kurti ka reaguar lidhur me mbajtjen e zgjedhjeve serbe edhe në Kosovë.
Përmes një postimi në Twitter, Kurti thotë se zgjedhjet serbe në Kosovë lejohen por zgjedhjet lokale në dy komuna anulohen me muaj për shkak të koronavirusit. Kjo situatë sipas tij është e papranueshme.
“Qytetarët nuk do të qëndrojnë duarkryq përderisa ky president dhe kjo qeveri jo legjitime kërcënojnë demokracinë tonë dhe shkelin sovranitetin e vendit tonë”, shkruan ai në postimin e tij.
Qeveria Hoti lejoi mbajtjen e zgjedhjeve serbe edhe në Kosovë, me arsyetimin se një gjë e tillë ka ndodhur edhe në vitet e kaluara.
