Pavarësisht se kushtet epidemiologjike janë përmirësuar, qeveria greke ka marrë vendimin për të shtrënguar masat. Nga nesër, në 6 në mëngjesit deri të hënën 11 janar, nuk lejohet lëvizja nga ora 9 në mbrëmje deri në 5 në mëngjes, me përjashtim të punonjësve dhe njerëzve që kanë nevojë për ndihmë mjekësore.
Dyqanet tregtare do të qëndrojnë të mbyllura, ashtu si edhe libraritë, sallonet e bukurisë. Kishat do të qëndrojnë të mbyllura për shërbesat e së dielës.
Qeveria greke apeloi ndaj qytetarëve që t’i përmbahen masave, dhe të jenë të durueshëm. Vendimi në fjalë synon uljen e mëtejshme të rasteve të reja, lehtësimin e presionit mbi spitalet dhe lejimin e rihapjes së shkollave në 11 janar.
