Tetë persona u konfirmuan të vrarë, gjashtë të plagosur nga të shtënat në kampusin e një universiteti në qytetin rus të Perm. Autori i krimit është kapur. Njerëz të tmerruar janë filmuar duke ikur nga një ndërtesë, përmes dritareve.
Kjo ngjarje e rëndë është shënuar në Universitetin Shtetëror të Perm, një nga universitetet më të vjetër në Urals. Mediat sociale të shkollës, të hënën në mëngjes paralajmëruan të gjithë ata që ishin në kampus, të largoheshin nëse ishte e mundur, ose të mbylleshin brenda një dhome.
Një video e publikuar në rrjetet sociale, e filmuar në vendngjarje tregonte njerëzit që hidheshin nga dritaret.
#BREAKING: Shooting reported at Russian university, harrowing footage shows students jumping out of windows to escape gunman
More: https://t.co/gV0sv3xUdE pic.twitter.com/bZYNG177yM
— RT (@RT_com) September 20, 2021
Një video tjetër e marrë nga brenda ndërtesës tregon një person të armatosur të veshur me të zeza, duke ecur ngadalë në kampus.
Hetuesit njoftojnë se autori i krimit është plagosur. Zyrtarët e policisë thanë se agresori është student në universitetin ku ndodhën sulmet.
Raportet e mëparshme të pakonfirmuara e identifikuan atë si një sulmues 18-vjeçar të quajtur Timur Bekmansurov, i cili dyshohet se la një shënim që përshkruante motivet e krimit.
Burimi i lajmit: rt.com. Përshtatur nga Tirana Today
