Elbasani është tronditur sot nga të shtënat me armë zjarri, ku është qëlluar në drejtim të forcave Shqiponja dhe FNSH-së.
Të shtënat me armë kanë shkaktuar panik te qytetarët, që kanë nisur të largohen me vrap nga vendi i ngjarjes. Ngjarja ka ndodhur në lagjen “11 Nëntori”.
Në fillim policia është njoftuar për një konflikt familjar. Menjëherë në vendngjarje kanë mbërritur patrulla e përgjithshme si edhe forcat “Shqiponja”.
Mësohet se personi i përfshirë në konflikt familjar, po qëllon me armë drejt policisë. Forcat e policisë janë pozicionuar dhe po i bëjnë thirrje agresorit të dorëzohet. Personi që po qëllon me armë drejt policisë, është i akuzuar për përndjekje.
