Sipas “Cosmopolitan” janë disa pyetje që s’duhen bërë kurrë në takimin e parë!
Ndërkohë, lëreni komunikimin të rrjedhë, pasi vetëm ashtu do të kuptoni nëse mund të ketë (ose jo) një herë tjetër.
Si fillim, mos e pyesni personin tjetër, sado të mahnitur të jeni, “si dreqin është akoma single?”
Si pyetje mund të ngjajë komplimentuese, por në fakt sugjeron se të jesh single është diçka e keqe. Të jesh single nuk është krim, madje ka njerëz që e zgjedhin.
Ju nuk e dini historinë e njeriut para jush, nuk e dini ç’i shtyu drejt këtij vendimi.
Gjithashtu, pyetja sugjeron që një marrëdhënie duhet të jetë qëllimi i kujtdo në jetë. Hey… sepse janë single, s’do të thotë që s’kanë lidhje kuptimplota me njerëz të tjerë.
A do të martohesh? A do fëmijë? A ke ndërmend të lëvizësh nga këtu?
Pyetje shumë intensive për një takim të parë. S’keni pse nxitoheni.
Nëse gjërat shkojnë mirë në fillim, do të keni kohë t’i diskutoni pyetjet e rëndësishme më vonë.
Madje, mund të dukeni pak të dëshpëruar. Zëre se po thoni që gjithë të tjerat mund t’i injoroni, për sa kohë bini dakort për gjërat e mëdha bashkë. Flisni, shihni a keni kimi një herë!
Sa e ke rrogën?
Këtë pyetje bëni mirë të mos ia bëni askujt, besojmë e kuptoni pse.
Është shumë e pasjellshme dhe ju bën të dukeni të cekët, a thua se ju intereson vetëm aspekti monetar, shkruan “anabelmagazine.com”.
