Ministrja për Marrëdhëniet me Parlamentin, Elisa Spiropali dhe deputeti socialist Ervin Bushati u zgjodhën nga Kryesia e PS-së ditën e sotme për të qenë bashkëkryetarë të PS-së Tiranë.
Gjatë një interviste dhënë për “Abc News”, gazetari iu drejtua Spiropalit duke i thënë se shumë njerëz mendojnë që forca e saj politike nuk e mbështeti por e shiti Saimir Tahirin.
Lidhur me këtë, Spiropali tha: “Unë nuk mendoj që PS shet-blen, tradhton apo mbron raste të tilla. PS ka një marrëdhënie shumë të drejtë me të gjithë ata që duhet të përballen me drejtësinë. Tahiri apo Gjylameti që kanë drejtuar më parë kanë bërë një punë shumë të mirë në krye të PS, është jo vetëm privilegj por edhe përgjegjësi që të drejtojmë një parti kaq të madhe”.
