Një video e cila tashmë është bërë virale ku shfaqet presidenti rus Vladimir Putin duke u kollitur, ka hedhur hije dyshimi në lidhje me shëndetin e tij.
Por për këtë çështje reagoi menjëherë edhe Kremlini. Zyrtarët e lartë mohuan se Vladimir Putin kishte probleme shëndetësore. Duke iu referuar mediave të huaja, presidenti 68 vjeçar u përpoq të mbaronte fjalimin e tij, ndërsa u fliste zyrtarëve të lartë për ‘problemet akute financiare’ të shkaktuara nga COVID-19.
https://www.youtube.com/watch?v=Iz-xbSLaRUI
Por siç pretendohet, videoja u redaktua më vonë në mënyrë që kollitja e Putinit të dukej më pak e rëndë, në një version të postuar nga zyra e tij.
Agjencia shtetërore e lajmeve TASS e ka pyetur Kremlinin për shëndetin e Putinit, dhe u tha se ai ishte ‘absolutisht normal’.
Cilat janë simptomat e një personi të infektuar me koronavirus?
Simptomat varen nga virusi, por shenjat e zakonshme përfshijnë simptomat e aparatit të frymëmarrjes: ethe, kollë, marje fryme dhe vështirësi në frymëmarrje. Në raste më të rënda, infeksioni mund të shkaktojë pneumoni, sindromë të rëndë respiratore akute, insuficiencë të veshkave, madje edhe vdekje.
Ashtu si sëmundjet e tjera të rrugëve të frymëmarrjes, infeksioni nga COVID-19 mund të shkaktojë simptoma të lehta si ftohje, dhimbje fyti, kollë dhe ethe, ose simptoma më të rënda si pneumoni dhe vështirësi në frymëmarrje.
