Shtëpia e Bardhë, bëri të ditur me anë të një deklarate, se Presidenti Joe Biden do të takohet muajin e ardhshëm me homologun e tij ruys Vladimir Putin, në një samit në Gjenevë të Zvicrës.
“Presidenti Biden do të takohet me Presidentin Putin në Gjenevë, Zvicër në 16 Qershor 2021. Udhëheqësit do të diskutojnë gamën e plotë të çështjeve të ngutshme, ndërsa ne kërkojmë të rikthejmë parashikueshmërinë dhe stabilitetin në marrëdhëniet SHBA-Rusi”,- tha Shtëpia e Bardhë në një deklaratë.
Takimi i pritur gjatë do të vijë në përfundim të udhëtimit të parë ndërkombëtar të Biden që nga marrja e detyrës, shkruan CNN.
Shtëpia e Bardhë dërgoi këshilltarin e sigurisë kombëtare, Jake Sullivan në Gjenevë këtë javë për t’u takuar me homologun e tij rus, thanë zyrtarët, ndërsa detajet po përgatiten për takimin midis Biden dhe Putin.
Një zëdhënës i Shtëpisë së Bardhë nuk pranoi të komentonte mbi vendndodhjen përfundimtare të qytetit pritës derisa të gjitha detajet të vendoseshin.
Takimi vjen gati tre vjet pasi Putini u takua me presidentin e atëhershëm, Donald Trump në Helsinki, Finlandë. Zyrtarët thanë se takimi me Biden do të duket shumë ndryshe nga ai i samitit të korrikut 2018, gjatë të cilit Trump doli në krah të Putinit dhe hodhi hapur zbulimin e SHBA-së rreth ndërhyrjes ruse në zgjedhjet 2016.
