Ambasada shqiptare në Romë ka njoftuar se ditën e nesërme puna do të rifillojë normalisht.
Shërbimi do të rifillojë në kushtet e sigurisë shëndetësore për të gjithë punonjësit, si dhe higjienizimin e ambienteve.
Puna në ambasadë u pezullua ditën e sotme, pasi një punonjës i stafit teknik rezultoi pozitiv me Covid-19.
Të gjithë punonjësit e tjerë iu nënshtruan testimeve, të cilat i nxorën negativë.
Njoftimi i ambasadës në Facebook
NJOFTIM‼
Të nderuar bashkatdhetarë!
Ambasada e Republikës së Shqipërisë në Romë njofton se pas pezullimit të shërbimeve gjatë ditës së sotme, 15 tetor 2020, Zyra Konsullore rifillon shërbimin nesër, më 16 tetor 2020, në oraret 08:00-20:00.
Shërbimi rifillon në kushtet e sigurisë për gjendjen shëndetësore të të gjithë punonjësve dhe higjienizimit të mjediseve të punës dhe të shërbimit.
Njoftojmë gjithashtu se qytetarët që nuk patën mundësi të shërbehen më datë 15.10.2020, do të kontaktohen nga punonjësit tanë për caktimin e një date të re.
Ju falenderojmë per mirëkuptimin tuaj!
https://www.facebook.com/AmbasciatAlbania/posts/3287698334662838
